អត់មានអីទេ គ្រាន់តែចង់អួតស្នាដៃចៀនត្រីប៉ុណ្ណោះ។ ថាទៅ ជៀតត្រីមិនបានស្អាតទេលើកនេះ ព្រោះខ្ទះខ្ញុំចាស់ពេក ចៀនជាប់ខ្ទះ។ តែណ្ហើយ បានឌីសាញយោង ហេសហេ។
Monthly Archives: ខែឧសភា 2014
ទៅលេងភូមិអ្នកនេសាទ
កាលពីម្សិលមិញ ពួកខ្ញុំបានទៅលេងភូមិអ្នកនេសាទដែលនៅក្បែរភូមិខ្ញុំព្រោះគេមានធ្វើបុណ្យនេសាទ (Fête du port de pêche) ។ គិតៗទៅ ខ្ញុំនៅក្បែរភូមិណឹងច្រើនឆ្នាំហើយ មិនដឹងថាគេមានធ្វើបុណ្យអញ្ចឹងសោះ។ កុំតែមានគេប្រាប់ ខ្ញុំគ្មានដឹងខ្យល់អីទេ។
នៅក្នុងពិធីបុណ្យនេះ គេមានលក់ជាសំបុត្រអោយយើងមួយដុំតម្លៃ ១០ អឺរ៉ូ។ យើងយកសំបុត្រនោះទៅដើរទិញត្រីអាំង និងរបស់ផ្សេងៗមកញ៉ាំបាន។ តែគួរអោយស្តាយ គេលក់ត្រីអាំងតែពីរប្រភេទ។ ខ្ញុំនឹកស្មានតែគេមានច្រើនប្រភេទ។ ថ្ងៃនោះមេឃស្រលះល្អ មនុស្សម្នាទៅដើរលេងគគ្រឹកគគ្រេងគ្រាន់បើ។ តែមនុស្សទៅច្រើនពេក ដល់ត្រឹមម៉ោងពីរអស់អីញ៉ាំ នាំគ្នារអ៊ូ ហេសហេ។
ខ្ជិលសរសេរ ដាក់រូបអោយមើលបានហើយ។
ទៅលេងកោះអិចនិងFort Boyard
កាលពីថ្ងៃប៉ុន្មានសបា្តហ៍មុន ពួកខ្ញុំបានទៅលេងកោះអិច (île d’aix)។ អានអោយស្រួលបួលផង។ កោះអិចជាកោះតូចមួយនៅក្បែរឡារ៉ូឆែល ដែលមានទំហំត្រឹមតែ1,19 km2ប៉ុណ្ណោះ។ តែអ្វីដែលសំខាន់នោះ កោះនេះត្រូវបានគេរក្សាអោយស្ថិតនៅជាតំបន់ទេសចរបែបធម្មជាតិ ពោះគឺមានតែផ្ទះអ្នកស្រុកបន្តិចបន្តួច ព្រៃឈើនឹងសមុទ្ទប៉ុណ្ណោះ។ ម្យ៉ាងទេ នៅលើកោះនេះគ្មានឡាន គ្មានម៉ូតូដែលបំពុលបរិដ្ឋានឡើយ។ ប្រជាជននិយមជិះតែកង់និងដើរប៉ុណ្ណោះ។ អ្វីដែលចំលែកនោះ នៅលើកោះនេះគេមិននិយមប្រើប្រាស់កាតក្រេឌិតទេ ធ្វើអោយខ្ញុំឯណេះស្ទើរតែបានលាងចានទៅហើយ។ តាមពិតទៅ គ្មានអ្វីមើលច្រើនទេនៅទីនោះ។ ប៉ុន្តែមនុស្សទៅលេងគឺដោយសារតែវាមានធាតុអាកាសល្អនិងអាចជិះកង់មើលទេសភាពបាន។
ពីភូមិខ្ញុំរស់នៅទៅកោះអិច គឺត្រូវជិះទូកទៅ ដោយគេបាននាំយើងបង្ហួសទៅមើល fort boyard ។ តាមពិតទៅ fort boyard គឺជាអតីតគុកក្នុងសមុទ្ទនៅសម័យសង្គ្រាមដែលបានក៏សាងឡើងតាំងពីឆ្នាំ 1804-1857។ ក្រោយមកក៏ត្រូវបានប៉ុស្តិ៍ទូរទស្សន៍បារាំងមួយយកទៅថតកម្មវិធីទូរទស្សន៍ដែលល្បីគួសមហៅថា fort boyard ។ មនុស្សភាគច្រើនគឺចង់ចូលទៅមើលខាងក្នុង តែគេមិនអនុញ្ញាតិ។ ពិតជាគួរអោយស្តាយមែន។
រូបភាពខ្លះដែលមិត្តភ័ក្តខ្ញុំបានថត។
វប្បធម៑ខុសគ្នារវាងប្រទេសលោកខាងលិច និងប្រទេសតំបន់អាស៊ី
សត្វត្រីចាំបាច់ត្រូវហែលបញ្ច្រាសទឹក
ការបញ្ចេញយោបល (និយាយត្រង់ – និយាយបញ្ជៀង)
ការបញ្ចេញកំហឹង (បញ្ចេញកំហឹងមកក្រៅ – កាក់កំហឹង)
ដំណោះស្រាយបញ្ហា (ដោះស្រាយ – រកផ្លូវផ្សេង ជៀសបញ្ហា)
ជីវិត (…)
រងចាំ (…)
ប្រធាន
ជប់លៀង
Note : មើលច្រើនទៀត ត្រង់នេះ