មិត្តខ្ញុំពីរអ្នកចូលចិត្តច្រៀងបទនេះណាស់។ កាលនោះទៅដើរលេង ស្រែកច្រៀងអាឡេអាឡូតាមឡាន តែសប្បាយ។
បណ្ណសារចំណាត់ក្រុម៖ ចំរៀង
សិល្បករខ្មែរ – ប្រការមួយដែលគួរតែជៀសវាង
ថ្ងៃនេះ ខ្ញុំបានជជែកគ្នាមួយសន្ទុះធំអំពីសិល្បករខ្មែរពេលដែលទៅសំដែងនៅឯបរទេសជាមួយ គិមហេង ក្នុងហ្វេសប៊ុក។ ជារឿយៗ ខ្ញុំតែងតែសរសេរអត្ថបទរិះគន់អំពីរអ្នកចំរៀងខ្មែរ នេះមិនមែនមកពីខ្ញុំមិនគាំទ្រពួកគេនោះទេ តែផ្ទុយទៅវិញ ខ្ញុំគាំទ្រពួកគេពេញទំហឹង។ ការដែលខ្ញុំរិះគន់ គឺគ្រាន់តែក្នុងន័យស្ថាបនាតែប៉ុណ្ណោះ។ បើយើងចេះតែនិយាយម្នាក់មួយមាត់ៗ ទៅ ក្រែងនឹងអាចលឺដល់ពួកគេ ហើយពួកគេនឹងអាចរើសយកចំនុចដែលគេគិតថាគួរតែកែប្រែនោះទៅកែប្រែផងដែរ។
ខ្ញុំរវល់ណាស់ មិនគួរណាយកពេលមកអង្គុយសរសេរអត្ថបទនេះទេ តែថាបើឃើញហើយ មិនសរសេរមិនបាន។
សិល្បករខ្មែរយើង ជារឿយៗ តែងតែត្រូវបានអញ្ជើញពីសំណាក់ប្រជាជនខ្មែរដែលរស់នៅឯនាយសមុទ្ទ ដើម្បីទៅសំដែងនៅឯក្រៅប្រទេស។ នេះគឺបញ្ជាក់អោយឃើញថា ប្រជាជនខ្មែរយើង នៅតែចូលចិត្តនឹងគាំទ្រសិល្បៈខ្មែរ។ តែចំនុចមួយដែលខ្ញុំមិនពេញចិត្ត នឹងមើលទៅគួរអោយទើសភ្នែកនោះ គឺការដែលប្រជាជនខ្មែរយើង ចូលចិត្តអោយលុយផ្ទាល់ដៃទៅសិល្បករពេលសំដែង។ ពួកគេជាអ្នកសិល្បៈអាជីព មានឈ្មោះបោះសំលេងគួរសម ក៏មិនគួរណាទទូលប្រាក់បែបនេះដែរ។ វាមិនមែនជាការអាប់អោនអ្វីនោះទេ តែមើលទៅដូចជាអ្នកសំដែងសុំលុយអញ្ចឹង។ បើសិនជាពួកគាត់ចង់ជួយឩបត្ថម្ភពួកគេមែន ក៏គួរតែប្រមូលគ្នារួចដាក់ស្រោមសំបុត្រអោយត្រឹមត្រូវទៅ វាជាការល្អជាង។
ការចំលង ចំលងខ្លាចខុស
រឿងចំលងចំរៀងស្រុកយើងគឺជារឿងពេញនិយម។ ខ្ញុំក៏មិនចង់រិះគន់អីច្រើនដែរ ព្រោះថាហេតុផលមួយគឺខ្មែរយើងមិនទិញចំរៀងដើម គឺទិញតែចំរៀងចំលងខុសច្បាប់។ ឃើញលក់ពេញតែស្រុក ករណីនេះ ខ្ញុំក៏យល់ស្របដែរ។
ឥឡូវនេះ រឿងដែលពេញនិយមមួយទៀតគឺ ការចំលងក្បាច់រាំ អាសូរតែរាំទៅស្អាតដូចគេ ព្រះអើយ។
វីដេអូខាងក្រោយនេះ គឺជារបស់ខ្មែរយើង ក្រុម អាវីល យកឈ្មោះរឿងគេមកដាក់ទៀត។ ដល់គេលឺ ខ្លាចតែគេប្តឹងទេ។ កាលពីមិនទាន់បានមើលចំរៀង និងក្បាច់រាំដើម ក៏គិតថា ឡូវណាស់វើយ ស្រុកយើងឡូវ ចេះមានក្រុមរាំឡូយៗណាស់។ ទាល់តែមើលចំរៀងដើម និងក្បាច់រាំគេហើយ ចប់សព្វគ្រប់ហ្មង។
ចំរៀងដើម
កូនផ្សោត
