ទើប​តែ​ទិញ tablet មួយ

តាម​ពិត​ទៅ នឹក​ថា​ចង់​ទិញ​តាំង​ពី​ខែ​បី​មក​ម្ល៉េះ តែ​តម្រូវ​កា​មិន​ទាន់​មក​ដល់។ ទើប​តែ​ថ្មីៗ​នេះ កម្មវិធី​ដែល​ពួក​ខ្ញុំ​បាន​ធ្វើ វា​បាន​ចេញ​ជា​រូប​រាង​ខ្លះៗ​ហើយ អញ្ចឹង​ហើយ ខ្ញុំ​ក៏​សម្រេច​ចិត្ត​ទិញ tablet មួយ​មក​ប្រើ។ តែ​ដំបូង​ឡើយ គិត​ថា​មិន​ទិញ​លុយ​ខ្លួន​ឯង​ទេ គឺ​អាច​សុំ​សាលា​បាន។ ខ្ញុំ​ក៏​និយាយ​ជាមួយ​គ្រូ​រួច​ហើយ​ទៅ​ទៀត គាត់​ថា​យល់​ព្រម។ ខ្ញុំ​ចាំ​គាត់ ប៉ុន្មាន​ថ្ងៃ​មិន​មាន​ដំណឹង រួច​ក៏​គិត​ថា​គាត់​រវល់ ខ្ញុំ​ក៏​សម្រេច​ចិត្ត​ទិញ​ខ្លួន​ឯង​តែ​ម្តង​ទៅ។ ទិញ​រួច​បាន​ប៉ុន្មាន​ថ្ងៃ ជួប​គាត់​ទៀត គាត់​ថា គាត់​រក​លុយ​ទិញ tablet បាន​ហើយ ត្រូវ​ធ្វើ​លិខិត​ស្នើរ​ទិញ។ ខ្ញុំ​ថា ខ្ញុំ​ទិញ​រួច​ហើយ ហិហិហិ។ ខ្ញុំ​ថា​លុយ​ណឹង​ទុក​សិន​ទៅ ក្រែង​ត្រូវ​ទិញ​មួយ​ទៀត។ សម្រេច​ទៅ ខ្ញុំ​ចំណាយ​អស់ ៥០អឺរ៉ូ​ដែរ។

អូរ​ភ្លេច​ប្រាប់! tablet ណឹង​មិន​មែន​ជា​របស់ Ipad អី​ទេ គឺ tablet បែប​បុរាណ​ធម្មតាៗ ដែល​អាច​អោយ​ខ្ញុំ​សរសេរ​បាន។ ជា​រួម​ គឺ​គ្រាន់​តែ​ប្រើ​បិច ជំនួស mouse តែ​ប៉ុណ្ណោះ តែ​វា​គ្រប់​គ្រាន់​ហើយ​សម្រាប់​ការងារ​ខ្ញុំ គឺ​គ្រាន់​តែ​បង្ហាញ​គេ​ប៉ុណ្ណោះ។

(http://www.vaxuo.com/tablets/wacom-bamboo-pen-tablet.html)

ក្រុម​ហ៊ុន​គេ​អត់​បាន​ធ្វើ​ driver សម្រាប់​​លីនុច​ទេ គឺ​មាន​តែ វីនដូ និង MAC OS តែ​ប៉ុណ្ណោះ។ តែ​មិន​ថ្វី​ទេ នៅ​លើ​Ubuntus គ្រាន់​តែ​ដាក់​ដំណើរ​ការ command line​ ខាង​ក្រោម​ជា​ការ​ស្រេច។

sudo add-apt-repository ppa:doctormo/wacom-plus
sudo apt-get update
sudo apt-get install wacom-dkms xf86-input-wacom

(http://www.ubuntugeek.com/install-the-wacom-bamboo-driver-in-ubuntu-10-04-lucid-lynx-using-ppas.html)

 

មិន​គួរ​ធ្លាក់​ខ្លួន​ ធ្លាក់​ដល់​ថ្នាក់​ណឹង

ម្សិល​មិញ ថ្ងៃ​អាទិត្យ​សោះ ដោយ​សារ​តែ​អផ្សុក​ពេក ក៏​នឹក​ឃើញ​ចង់​ធ្វើ​ការ។ ដំបូង​ឡើយ​ ខ្ញុំ​គិត​ថា ចំណាយ​ពេល​ប្រហែល​ជា ៣០​នាទី គឺ​គ្រប់​គ្រាន់​ហើយ។ ព្រោះ​អ្វីៗ មាន​អស់ហើយ គ្រាន់​តែ​ផ្គុំ​គ្នា​ប៉ុណ្ណោះ។

បើក​កុំព្យូទ័រ​ឆ្វាច់ ចាក់​ចំរឿង​ឆ្វាច់ ទៅ​អង្គុយ​ផ្អែក​សាឡុង​ធ្វើ​ការ​យ៉ាង​សប្បាយ​ចិត្ត។ ទី​បំផុត សរសេរ​រួច​ហើយ ក៏​សាក​មើល មាន​អី “segmentation fault”។ ហេសហេ តែ​ប៉ុណ្ណេះ មាន​ការ​ងារ​ធ្វើ​ហើយ​ខ្ញុំ។

ម៉ោង​ប្រហែល​ជា ៧​​ល្ងាច​ល្មម។ អង្គុយ​រក​ដល់​ម៉ោង ១២ កណ្ដាល​យប់​ហើយ​នៅ​តែ​រក​អត់​ឃើញ។ ថ្ងៃ​នេះ​រក​ទៀត នៅ​តែ​មិន​ឃើញ។

 

មិន​គួរ​សោះ មិន​គួរ​ធ្លាក់​ខ្លួន​ ធ្លាក់​ដល់​ថ្នាក់​ណឹង​ទេ។ ពេល​នេះ មាន​តែ​ឈប់​រក​ហើយ។ ចាំ​មិត្តភក្តិ​ទំនេរ ចាំ​ពឹង​គេ​អោយ​ជួយ​មើល​ប្រសើរ​ជាង។ ព្រោះ​នេះ​ជា​តំណោះ​ស្រាយ​មួយ​ដែរ ព្រោះ​ពេល​ខ្លះ យើង​ស្មុគ្រ​ពេក ក៏​រក​មិន​ឃើញ​ដែរ។

(http://www.cartoonstock.com/directory/s/system_error.asp)

 

ចូលរួមឡប់ជាមួយនឹងអាប (Arbre/Tree) …

សំរាប់អ្នករៀនផ្នែកព័ត៑មានវិទ្យា ជាពិសេសអ្នកដែលធ្លាប់បានឆ្លងកាត់ភាសា C គ្រាន់តែលឺថា Pointer រឺ Tree ប្រាកដជានឹកឃើញអនុស្សាវរីយ៏ជាច្រើន ហើយប្រាដកជានឹកឃើញពាក្យ “segmentation fault” or “error access violation sur le mémore” រឺក៏ហៅម្យ៉ាងទៀតថា Pointer វង្វេងចូលផ្ទះស្រីស្អាត ដែលមានន័យថា Pointer រកអាស័យដ្ឋានវាមិនឃើញ។ កាលពីមុនខ្ញុំ ខ្ញុំចូលចិត្តណាស់ Pointer, Tree (បារាំងហៅថា Arbre (អាប) ) និង recursive function ព្រោះថាសរសេរខ្លីមានន័យវែង។ តែខ្ញុំខានប្រើប្រាស់វាប្រហែលជាជិត ៣ ឆ្នាំហើយ។ ទើបពីរថ្ងៃនេះ ខ្ញុំត្រូវការប្រើវា គឺបង្កើត Arbre n aire (រឺក៏ថាដើមឈើដែលមានមែក n ) ដើម្បីសរសេរពាក្យទាំងអស់នៅក្នុងវចនានុក្រមមួយជាលក្ខណះ Arbre នេះ សំរាប់ងាយស្រួលរកពាក្យឡើងវិញ។ បើទោះបីជា ទីបំផុត អ្វីៗបានរួចរាល់ក៏ដោយ តែខ្ញុំស្ទើរតែឡប់ទៅហើយ ។

បំណងល្អពីម្ចាស់ទំព័រ សំរាប់អ្នកកំពុងរៀនភាសា C នៅពេលសរសេរកម្មវិធីជាមួយ Pointer សួមប្រយត្នអោយមែនទៀត ពោលគឺធ្វេសប្រហែសបន្តិចបន្តួច អាចធ្វើអោយអ្នកឡប់រាប់ម៉ោង រឺ រាប់ថ្ងៃ។ រាល់ពេលបង្កើត Pointer (Malloc) សួមសរសេបន្ថែមមួយជួរទៀតអោយហើយតែម្តងទៅ គេ free ដើម្បីជាសវាងការអស់ Memory (Mémore) តែសួមសរសេអោយត្រូវកន្លែងផង។

សាកល្បងរកកំហុស Code ខាងក្រោយ

int *intList = (int*) malloc (10 * sizeof (int));

int *newInt = intList;

for(int i=0; i<=10;i++){

intList[i] = i;

}

free(intList);

int sum=0;

for(int i=0; i<10;i++){

sum = sum + newInt[i];

}