RSS

តើការរើសអើងចំពោះស្ត្រីនៅមានដែររឺទេ?

20 មករា

សព្វថ្ងៃនេះ នារីត្រូវបានគេលើកតំកើន អោយតំលៃ នឹងយកចិត្តទុកដាក់ពីអង្គការក្រៅរដ្ឋាភិបាលផ្សេងៗ។ តួយ៉ាងដូចនៅសាលារឿនខ្ញុំ នារីត្រូវបានលើកទឹកចិត្ត ដូចជាការបង់តំលៃទាបជាងជាដើម។ ហើយនៅពីរឆ្នាំចុងក្រោយនេះសំណង់អាគាបីខ្នង ត្រូវបានសាងសង់ដោយរដ្ឋាភិបាល​ រូមទាំអាគាជំនួយពីប្រទេស ប៊ែលហ្សីក មួយខ្នងទៀត ដើម្បីនិសិស្សនារីស្នាក់នៅ។

តែទោះយ៉ាងណា ខ្ញុំនៅតែឃើញមានការរើសអើតតិចតូចក្នុងភ្នែករបស់ខ្ញុំដោយចេតនា រឺ អចេតនាក្តី

ខ្ញុំមានរឿងគួរអោយអស់សំណើច កាលពីបីឆ្នាំមុន ខ្ញុំបានឃើញមានប្រកាស់ការងារមួយ រើសអ្នកអាយធី ដើម្បីធ្វើការផ្នែករចនាគេហទំពរ៌។ កាលនោះ ខ្ញុំរៀនជិតចប់ថ្នាក់ ជំនាញជាន់ខ្ពស់(រៀនត្រឹមតែបីឆ្នាំនៅតិចណូ)ផ្នែកអាយធីល្មម។ គេដាក់ល័ក្ខខ័ណ្ឌមិនច្រើនពេកទេ ខ្ញុំគិតថាអាចធ្វើការងារណឹងបាន។ តែមានចំណុចមួយគេដាក់ថា man only។ ខ្ញុំដូចជាភ្ញាក់ផ្អើលបន្តិច ហើយក៏ទាញទូរស័ព្ទខលទៅសូរភ្លាម។ គេឆ្លើយថា ក្រុមហ៊ុនគេមានតែបុរសៗទេ ចឹងហើយទើបគេមិនចង់បាននារីមកធ្វើការ។ មូលហេតុអីទៀតខ្ញុំក៏មិនជជីកស៊ូរដែរ។ ប្រហែលជាច្បាប់ផ្ទៃក្នុងក្រុមហ៊ុននេះ អញ្ចឹងទេដឹង។ ហើយមិនដឹងថា ដល់សព្វថ្ងៃនេះក្រុមហ៊ុននេះ នៅតែអញ្ចឹងទៀតរឺអត់ទេ។ ហើយមិនដឹងថា មានក្រុមហ៊ុនប៉ុន្មាគិតចឹងដែរ។

មានរឿងមូយទៀត កាលពី៦ខែ ត្បិតតែខ្ញុំមិនត្រូវរកការងារធ្វើ តែដោយចង់ដឹងពីទីផ្សារការងារ ខ្ញុំដើរត្រាច់ចរ តាមក្រុមហ៊ុនជាមួយពួកម៉ាកផ្សេងៗទៀតដែរ(មានស្រី មានប្រុស)។ ដល់ពួកខ្ញុំនិយាយជាមួយអ្នកគ្រប់គ្រងក្រុមហ៊ុនមួយនោះគេថា តាមពិតទៅ គេមិនសូវចង់បានារីៗ ប៉ុន្មានទេ ព្រោះតិចទៀតទៅ រៀបការពិតជាពិបាកហើយ ព្រោះថាត្រូវសំរាក រឺ ក៏អាចសុំគេឈប់ក៏មាន ចឹងក្រុមហ៊ុនត្រូវស្ទះការងារ។ តែដោយសារពេញចិត្តនឹង សមត្ថភាពពូកខ្ញុំគាត់ក៏រើសយកទាំបីនាក់ (ស្រី២ ប្រុស១)។ តែបើពេលនោះ មានប្រុសៗច្រើនដាក់ពាក្យ ហើយមានសមត្ថភាពប្រហែលគ្នាគេប្រកដជារើសយកបុរសហើយ។ ហើយមានក្រុមហ៊ុនខ្លះត្បិតតែគេមិននិយាយ គេប្រហែលជានឹងគិតចឹងដែរក៏មិនដឹង។ ចឹងមានន័យថានារីត្រូវអោយមានសម្ថភាពពូកែជាងបុរសហើយ ទើបគេរើសធ្វើការ។

Advertisements
 

12 responses to “តើការរើសអើងចំពោះស្ត្រីនៅមានដែររឺទេ?

  1. សុភ័ក្ត្រ

    ខែមករា 20, 2009 at 6:08 ល្ងាច

    ធ្វើ​ម្ដេច​ធម្មជាតិ​កំណត់​មក​ដូច​នេះ​កុំ​តូច​ចិត្ត​តូច​ថ្លើម​អី​ណា​ 🙂

     
  2. កូនខ្មែរ-បារាំង

    ខែមករា 20, 2009 at 7:27 ល្ងាច

    បើសិនជាមានរឿងបែបនេះនៅស្រុកបារាំងវិញនោះ ហើយបើសិនជាមានភស្តុតាងត្រឹម​ត្រូវ ក្រុមហ៊ុននិងថៅកែក្រុមហ៊ុន ច្បាស់ជាត្រូវតុលាការផ្ដន្ទាទោសតាមច្បាប់នឹងត្រូវបង់​ផាកពិន័យយ៉ាងចាស់ដៃហើយ។ សង្ឃឹមថានៅកម្ពុជានឹងមានច្បាប់របៀបនេះនាពេល​អនាគតដ៏ខ្លី។ L’espoir fait vivre!

     
  3. សុភា

    ខែមករា 20, 2009 at 7:28 ល្ងាច

    ខ្ញុំមិនអន់ចិត្តអត់ថ្លើមអីទេ តែគ្រាន់តែថាបើថៅកែក្រុមហ៊ុនគិតតែអញ្ចឹងនោះ ច្បាស់ជាបុរសៗណឹងធ្វើបាតុកម្មមិនខានទេ ព្រោះអត់ស្រីស្អាតគ្រាន់មើលមុខនៅ កន្លែងធ្វើការ 😛

     
  4. កូនខ្មែរ-បារាំង

    ខែមករា 20, 2009 at 7:57 ល្ងាច

    មែនហើយ ខ្ញុំយល់ស្របជាមួយសុភា

     
  5. សុភា

    ខែមករា 20, 2009 at 8:22 ល្ងាច

    ខ្ញុំក៏សង្ឈឹមដូច កូនខ្មែរ បារាំងដែរចុះ 😛

     
  6. Original Lab

    ខែមករា 21, 2009 at 9:03 ព្រឹក

    ខ្ញុំយល់ថា ក្រុមហ៊ុនដែល សុភា បានលើកឡើងនោះ វាមិនមានន័យថា​រើសអើង​​ចំពោះស្ត្រីនោះទេ ព្រោះវាគ្រាន់តែជាលក្ខខ័ណ្ឌការងារដែលគេចង់​បានដើម្បី​អោយវាមានភាពស៊ីសង្វាក់គ្នាជាមួយនឹងបរិយាកាសទីនោះតែ​ប៉ុណ្ណោះ ។ ប៉ុន្តែ​ប្រសិនបើមកដល់សម័យនេះហើយ នៅតែមានការរើសអើង​ចំពោះ​ស្ត្រី​មែន ខ្ញុំ​យល់ថា ការធ្វើបែបនេះវាមិនសមរម្យទេ ព្រោះយើងទាំង​អស់គ្នាសុទ្ធតែជា​មនុស្សជាតិ ដូច្នេះហើយសិទ្ធិរបស់យើងស្មើរគ្នា ។

    ចំពោះខ្ញុំវិញ មានមួយលើកនោះខ្ញុំបានទូរស័ព្ទទៅសុំការងារក្រៅម៉ោងគេធ្វើ​ ពេលដែលនិយាយគ្នាក្នុងទូរស័ព្ទ ខ្ញុំបានប្រាប់គេថា​ខ្ញុំជាជនជាតិបរទេសមក​ពី​ស្រុកខ្មែរ ពេលនោះគេមិនបានបដិសេធការសុំធ្វើការរបស់ខ្ញុំទេ ហើយបាន​ហៅខ្ញុំមកសំភាសការងារ ។ នៅពេលសំភាសការងារ គេបានសួរខ្ញុំសំនួរជា​ច្រើន ហើយខ្ញុំបានឆ្លើយតបនូវចំលើយដែលសមរម្យ ព្រោះខ្ញុំធ្លាប់មានបទពិ​សោធន៍ធ្វើការពីមុនមក ។ ប៉ុន្តែចុងក្រោយ អ្នកគ្រប់គ្រងហាងនោះបែរជាមិន​ព្រម​យកខ្ញុំធ្វើការ អ្នកទាំងអស់គ្នាដឹងថាមកពីមូលហេតុអីទេ គាត់និយាយយ៉ាង​ខ្លីថា ៉ការទំនាក់ទំនងរបស់អ្នកពិតជាបានល្អ ប៉ុន្តែអ្វីដែលគួរអោយស្តាយនោះ​គឺ អ្នកមិនមែនជាជនជាតិដើម ដូច្នេះហើយទោះបីជាយ៉ាងណាក៏ដោយក៏នៅ​មានចន្លោះខ្វះខាតខាងផ្នែកភាសាដែរ​៉ ។ ពេលឭដូច្នេះ ខ្ញុំមិនដឹងជារកពាក្យ​អ្វីមកតបគេទេ ខ្ញុំគ្រាន់តែអគុណគេហើយដើរចេញតែប៉ុណ្ណោះ ។ អ្វីដែលមិន​យល់នោះគឺ ប្រសិនបើនិយាយដូចគាត់អញ្ចឹង ម៉េចចាំបាច់ហៅខ្ញុំមកសំភាស​ធ្វើ​អីនាំតែខាតពេលទាំងសងខាង ?

     
  7. សុភា

    ខែមករា 21, 2009 at 9:57 ព្រឹក

    សំរាប់ខ្ញុំយល់ថា លក្ខណរបស់ក្រុមហ៊ុនទាំងពីណឹងហើយ គឺរើសអើង ក្រុមហ៊ុនទីមួយ គឺអចេនា ទីពីរគឺចេតនា ដោយសារតែគេបានធ្វើច្បាប់ (រឺគ្រាន់តែជាគោលការដោយមិនបានសរសេរក៏ដោយ) គឺជាការរើសអើយមួយដែរ។​ ការរើសអើងគឺមានន័យថាមិនផ្តល់ឩកាសអោយ រឺការអោយតំលៃមិនស្មើរគ្នាលើការងារដូចគ្នា មិនអោយតំលៃស្មើរគ្នាលើសម្មតភាពដូចគ្នា។

    តែបើករណីក្រុមហ៊ុនលោកនិយាយខ្ញុំមិនគិតជាការរើសអើង រឺប្រកាន់ពូជសាសន៏អីទេ គឺតំរូវការផ្នែកភាសារគេខ្ពស់។ ហើយគេក៏បានហៅលោកទៅសំភាស ដើម្បីយល់ដឹងពីសម្ថភាព ខាងការងារ នឹង សម្ថភាពភាសាររបស់លោកហើយដែរ។

     
  8. Original Lab

    ខែមករា 21, 2009 at 12:18 ល្ងាច

    ចំពោះខ្ញុំមិនខឹងគេទេ តែបើគេយល់ថាភាសាខ្ញុំមិនសមនឹងកំរិតដែលធ្វើអោយគេ​អាចទទួលយកបានគេអាចយកមូលហេតុនេះ ដើម្បីបដិសេធខ្ញុំ ប៉ុន្តែគេបែរជាមិន​ធ្វើដូច្នោះ បែរជានិយាយថា មកពីខ្ញុំជាជនជាតិបរទេសទៅវិញ ។

     
  9. សុភា

    ខែមករា 21, 2009 at 12:53 ល្ងាច

    អូចឹង? ចឹងរើសអើងមួយដែរហើយ

     
  10. chantra

    ខែមករា 22, 2009 at 1:40 ព្រឹក

    ខ្ញុំ​មាន​រឿង​មួយ​ដែរ គឺ “ការ​រើសអើង​ចំពោះបុរស”

    ឃើញ​ក្រុមហ៊ុន​ជាច្រើន​ប្រកាស​រើស លេខា គណនី មន្ត្រី​ហិរញ្ញវត្ថុ ហើយ​ដាក់​ថា Women Only.

    អូយ​រើសអើងបុរស​ម៉ាឡេះ…ហាហា!

     
  11. សុភា

    ខែមករា 30, 2009 at 9:09 ល្ងាច

    លោកចាន់ត្រា សុំទោសខ្ញុំមិនដឹងថាខមមិនលោកទៅសំខំនៅក្នុង ស្ពាម តាំងពីពេលណាទេ ខ្ញុំទើបតែឃើញ។ ស្វាគមន៏ភ្ញៀវថ្មី

    ហេ រឿងណឹងមិនដឹងថាមេចដែរ 😀

     
  12. សុវុឌ្ឍី

    ខែមករា 31, 2009 at 7:59 ព្រឹក

    ដូចបងចាន់ត្រានិយាយចឹង ញុំមិនចប់ហើយ បើញុំចង់រើសជំនាញគណនី

     

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

 
%d bloggers like this: