RSS

សៀវភៅ​ទំនើប

12 May

សៀវភៅ​ទំនើប​នេះ គឺ​ជា​សៀវភៅ​ដែល​មិន​មែន​ជា​សៀវភៅ គឺ​មាន​ន័យ​ថា​មិន​មែន​ជា​សៀវភៅ​ធម្មតា​ទេ។ សៀវភៅ​ទំនើប​នេះ ខ្ញុំ​ឃើញ​គេ​ដាក់​នៅ​ក្នុង La Corderie Royale de rochefort សម្រាប់​អោយ​ភ្ញៀវ​ដែល​ទៅ​ទស្សនា​អាន​អំពី​ប្រវត្តិ​ផ្សេង​ៗ​ដែល​ទាក់ទង​នឹង​សារមន្ទីរ​នោះ។ សៀវភៅ​នេះ​មិន​មែន​ជា​ក្រដាស​ទេ​គឺ​ថ្ម តែ​យើង​អាច​បើក​មើល​ដូច​ជា​សៀវភៅ​ធម្ម​តា​អញ្ចឹង ដោយ​សារ​តែ​ការ​ប្រើ​បច្ចេកទេស​ទំនើប។ វា​ដូច​ជា​មិន​ពិបាក​ធ្វើ​ទេ បើ​សិន​ជា​សៀវភៅ​នេះ គេ​ប្រើ​ជា touchscreen monitor។ តែ​សៀវភៅ​ទំនើប​នេះ គេ​បែរ​រ​ជា​ប្រើ​ថ្ម​ដែល​ចាក់​ធម្មតា​ទៅ​វិញ ដែល​នាំ​អោយ​មាន​កា​​រ​លំបាក​ខ្លាំង​ក្នុង​ការ​បង្កើត​។ ខ្ញុំ​ក៏​គិត​ថា ហេតុ​អ្វី​ក៏​គេ​មិន​ធ្វើ touchscreen monitor ? នៅ​ក្នុង​សារមន្ទីរ​មួយ បើ​ទោះ​ជា​កន្លែង​បិទ​ជិត​ក៏​ដោយ តែ​ក៏​ជា​កន្លែង​ដែល​មាន​មនុស្ស​ម្នា​ច្រើន​ចូល​ទៅ​មើល​ជា​រឿង​រាល់​ថ្ងៃ ដែល​មាន​ទាំង​ក្មេង​ទាំង​ចាស់។ ដូច្នេះ​ហើយ ការដែល​ប្រើtouchscreen monitor អាច​នឹង​​ពិបាក​ថែ​រក្សា។ ម្យ៉ាង​ទៀត បច្ចេកទេស​ដែល​គេ​ប្រើ​ក្នុង​នោះ គឺ​គេ​អាច​ប្រើ​ក្នុង​បរិបទ​ច្រើន ហើយ​ការដែល​យក​មក​ធ្វើ​ជា​សៀវភៅ​នេះ វា​គ្រាន់​តែ​ជា​ការ​អនុវត្ត​មួយ​ប៉ុណ្ណោះ (Application) ។ ហើយ​អ្នក​ដែល​ស្រាវ​ជ្រៀវ​បច្ចេកទេស​ទាំងនោះ (ខ្ញុំ​និយាយ​ខាង​ក្រោម) ក៏​ចង់​យក​បច្ចេកទេស​នោះ​មក​អនុវត្ត​នឹង​បង្ហាញ​ថា​វា​អាច​ដំណើរ​ការ​បាន​មែន ហើយ​នឹង​មាន​ប្រយោជន៍​ច្រើន ក្នុង​ការ​ប្រើ​ប្រាស់​ផ្សេងៗ​គ្នា។

ខ្ញុំ​សូម​និយាយ​ពី​បច្ចេកទេស​ដែល​គេ​​អាច​ប្រើ​ក្នុង​ការ​ធ្វើ​សៀវភៅ​ទំនើប​នេះ។ ​នេះ​គ្រាន់​តែ​ជា​ការ​ស្មាន​របស់​ខ្ញុំ​ប៉ុណ្ណោះ ព្រោះ​ពេល​ឃើញ​អ្វី​មួយ ខ្ញុំ​ចូល​ចិត្ត​គិត​ថា គេ​អាច​នឹង​យក​អ្វី​មក​ធ្វើ​ខ្លះ ហើយ​វា​គ្រាន់​តែ​ជា​ការ​វិភាគ​បែប​រៀន​សូត្រ​តែ​ប៉ុណ្ណោះ។ ហើយ​ខ្ញុំ​ក៏​មិន​មាន​ចំណេះ​ដឹង​ជ្រៅជ្រះ​​ខាង​បច្ចេកទេស​ទាំង​នោះ​ដែរ។

សៀវភៅ​នេះ គេ​ប្រើ​​ស្លាយ (projector) បញ្ចាំង​នៅ​លើ​ផ្ទាំង​ថ្ម​ដែល​មាន​សណ្ឋាន​ជា​សៀវភៅ​។ ថ្ម​នោះ​​មិន​សំ​ខាន់​ទេ ប្រើ​អ្វី​ក៏​បាន​ដែរ​ ហើយ​ការ​ដែល​ធ្វើ​រាង​ជា​សៀវភៅ​នេះ វា​ជា​សិល្បៈ​មួយ​ដែល​ធ្វើ​អោយ​កាត់​តែ​ដូច។ រួច​គេ​មាន​កាំម៉េរ៉ា​មួយ​ទៀត​ដើម្បី​ចាប់​យក់​ដៃ ឫ​ក៏​អ្វី​ផ្សេងទៀត ដែល​នឹង​ចូល​មក​ក្នុង​តំបន់​នោះ (zone)។ តែ​ខ្ញុំ​មិន​បាន​សាក​ល្បង​យក​វត្ថុ​ផ្សេង​ទៀត ដូច​ជា​ចង្កឹះ​ជាដើម យក​ទៅ​សាក​ល្បង​ទេ ព្រោះ​អត់​មាន​ ហើយ​ក៏​មិន​មាន​ពេល​វេលា​ច្រើន​ដែរ។ ហើយ​ក៏​គួរ​អោយ​ស្ដាយ ខ្ញុំ​​មិន​បាយ​ប្រើ​ដៃ​ក្នុង​របៀប​ផ្សេងៗ​គ្នា​ក្នុង​ការ​បើក ឫ​ក៏​ចង្អុល​ទៅ​ក្នុង​សៀវភៅ​នោះ​ទេ​(មើល​រូប​ខាង​ក្រោម​) ព្រោះ​ពេល​នោះ​នឹក​មិន​ឃើញ។

ទីមួយ : កា​ធ្វើ​ចលនា (animation) ខ្ញុំ​សុំ​មិន​និយាយ​​ច្រើន​ទេ គឺ​វា​ដូច​ជា​​ការ​ធ្វើ slide show ឫក៏ image viewer ដោយ​ប្រើ flash ជាដើម​។ល។

ទីពីរ : តើ​ធ្វើ​យ៉ាង​​ដូចម្ដេច​ ទើប​ដឹង​ថា​មាន​ការ​ចង្អុល ឫ​ការ​បើក​សៀវភៅ​។ បើ​តាម​ការ​ស្មាន​របស់​ខ្ញុំ​គេ​ត្រូវ​ប្រើ​បច្ចេកទេស movement detection ដើម្បី​អោយ​ដឹង​ថា តើ​មាន​របស់​អ្វី​ដែល​ចូល​មក​ក្នុង​តំបន់​នោះ​ឫ​អត់? មក​ដល់​ត្រឹម​នេះ​ ក៏​មិន​ទាន់​លំបាក​​ខ្លាំង​​ដែរ។ តែ តើ​ធ្វើ​យ៉ាង​មេច​ទើប​គេ​អាច​ដឹង​ថា យើង​​កំពុង​តែ​ចង្អុល ឫ​ក៏​កំពុង​តែ​បើក​សៀវភៅ?  ឫ​ក៏​ប្រហែល​ជា​យើង​ចង់​ធ្វើ​អ្វី​ផ្សេង​ទៀត?ហើយ​នៅ​ពេល​ដែល​កំពុង​តែ​បើក​សៀវភៅ​នេះ ខ្ញុំ​អាច​ឈប់​ដៃ នោះ​សន្លឹក​ដែល​កំពុង​តែ​បើក​នោះ​ក៏​ឈប់​ដែរ។ ត្រង់​ចំណុច​នេះ គេ​ប្រហែល​ជា​ត្រូវ​ប្រើ gesture recognition។ ហើយ​ត្រង់​ចំណុច​នេះ​ហើយ ដែល​ខ្ញុំ​គិត​ថា​លំបាក ហើយ​ដែល​ខ្ញុំ​ហៅ​ថា​សៀវភៅ​ទំនើប​នោះ។

សៀវភៅ​ទំនើប។ ស្លា​នៅ​ខាង​លើ បញ្ចាំង​ទិន្នន័យ​ទៅ​លើ​ថ្ម ហើយ​បើ​តាម​ការ​ស្មាន មាន​កាំម៉េរ៉ា​នៅ​ខាង​លើ​ដែរ

ចង្អុល​ដើម្បី​ពង្រីក​មើល​តំបន់​ណា​មួយ

បើក​សៀវភៅ​មើល​ដូច​បើក​សៀវភៅ​ក្រដាស​ចឹង​ដែរ

តើ​បច្ចេកទេស movement detection និងgesture recognition នេះ​យើង​អាច​យក​ទៅ​ធ្វើ​អ្វី​បាន​ខ្លះ? ខ្ញុំ​អាច​អោយ​ឧទាហរណ៏​​ខ្លះ​ៗ​​ដូចជា​ការ​ប្រើ​ប្រាស់​ក្នុង camera security ដែល​អាច​មាន​សមត្ថភាព​​ចាំ​មើល​តំបន់​មួយ។ តែ​ camera security មួយ​ចំនួន​គឺ​អាច​បាន​ត្រឹម​តែ​ចាប់​យក​ថា​តើ​មាន​អ្វី​ចូល​មក​តំបន់​នោះ​ឫ​អត់ ហើយ​មិន​មាន​ភាព​វៃ​ឆ្លាត​ក្នុង​ការ​បែង​ចែក​ថា​តើ​នោះ​ជា​អ្វី? មនុស្ស​ឫ​សត្វ ហើយ​កំពុង​ធ្វើ​អ្វី​នោះ​ទេ។ camera security បែប​នេះ អាច​ចាំ​មើល​តែ​តំបន់​ណា​មួយ នៅ​ពេល​វេលា​ណា​មួយ​ដែល​យើង​គិត​ថា​ធម្ម​តា​មិន​មាន​មនុស្ស​ចូល​មក​ទេ ហើយ​បើ​មាន​អ្វី​ចូល​មក​នោះ ឫ​ក៏​មាន​អ្វី​ដែល​មាន​ចលនា​នោះ គឺ​ជា​ភាព​មិន​ប្រក្រតី ហើយ​ត្រូវ​ប្រកាស​អាសន្ន​​តែ​ម្តង។ បើ​សិន​ជា​យើង​ចង់​បង្កើត camera security​ ដាក់​ក្នុង​ផ្ទះ​ ចាំ​មើល​មនុស្ស​ចាស់​ដែល​នៅ​ផ្ទះ​ម្នាក់​ឯង​ ហើយ​ចង់​អោយ​កាំម៉េរា​នោះ​មាន​សមត្ថភាព​អាច​ដឹង​ថា ពេល​ដែល​មនុស្ស​ចាស់​នោះ​ដួល​ ត្រូវ​ប្រកាស​អាសន្ន នេះ​ជា​ការ​លំបាក។ ព្រោះ​អ្វី​ដែល​លំបាក​នោះ​ ធ្វើ​មេច​អោយ​​មាស៊ីន​ដឹង​ថា គាត់​ដួល ឫក៏​គាត់​អោន​រើស​អ្វី​មួយ ឫក៏​គាត់​​អង្គុយ ឫ​ក៏​គាត់​ដាក់​ខ្លួន​សំរាន? ចំណុច​នេះ​ហើយ​ដែល​ជា​ការ​លំបាក​នោះ ហើយ​ក៏​ប្រហែល​ជា​ត្រូវ​ការ  gesture recognition  នេះ​ដែរ។ មួយ​វិញ​ទៀត បើ​យើង​ចង់​​ធ្វើ​កាំ​ម៉េរា​ក្នុង​​ក្រុង​មួយ ដែល​មាន​សមត្ថភាព​ប្រកាស​អាសន្ន​ពេល​ដែល​មាន​ចោរ​ឆក់ ចោរ​លួច ចោរ​ប្លន់ ភ្លើង​ឆេះ ។ល។ នេះ​វា​រឹតតែ​លំបាក ហើយ​​វា​​គ្រាន់​តែ​ជា​ការ​​អោយ​ឧទាហរណ​ប៉ុណ្ណោះ។

 

One response to “សៀវភៅ​ទំនើប

  1. Cambodia Money

    ខែ​ឧសភា 14, 2011 at 2:58 ព្រឹក

    Thank! Good article here. I wanna see it now!

     

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

 
%d bloggers like this: