ខានញ៉ាំត្រីចៀនជាមួយបាយក្ដៅៗយូរហើយ។ ទើបតែថ្ងៃនេះមិនសូវជាខ្ជិលទើបបានធ្វើញ៉ាំ ឆ្ងាញ់សំបើមណាស់។ តែតាមពិតទៅ ឆ្ងាញ់យ៉ាងណា ក៏ឆ្ងាញ់មិនដល់បាយក្តៅៗញ៉ាំជាមួយប្រហុកចិញ្ច្រាំឆៅជាមួយសណ្ដាន់ខ្ចី ផ្ទាប់ត្រប់ស្រស់ៗម៉ែខ្ញុំធ្វើដែរ។
ពីមុនវេចនំរួចម៉ោងខ្ទង់បីរសៀល ថ្ងៃខ្លះម៉ែគាត់ដាំបាយក្តៅៗមានក្ដាំងតិចៗ។ និយាយតាមត្រង់ចុះ អាយុធំប៉ុណ្ណេះហើយ នៅតែមិនចេះដាំបាយដូចគាត់ដែរ។ ឯខ្ញុំមានតួនាទីរត់ទៅបេះសណ្ដាន់ខ្ចីៗ និងត្រប់ខ្ចីៗស្រស់ពីចម្ការមក។ ត្រប់ទាំងនោះគឺដាំខ្លួនឯ អញ្ចឹងហើយពេលញ៉ាំរើសតែអាលេខមួយទេ ហេសហេ។ នឹកៗទៅ ខានញ៉ាំយូរហើយ។