សាកលំហាត់ថ្នាក់ទី៣ម្តង :P

តាមពិតទៅ លំហាត់ណឹងធ្លាប់ដាក់ក្នុងប្រកាស់មុនម្តងហើយ តែអត់មានអ្នកឆ្លើយព្រោះស្រួលពេក 😛 ។ ឥឡូវនេះសាកដាក់ម្តងទៀតមើល ក្រែងមានអ្នកណាគេឆ្លើយ។ សុំកែសំរូលខ្លះ

១) មានមនុស្សពីរនាក់ (លោក “ក” និង លោក “ខ”) នៅក្នុងបន្ទប់បិទជិតមួយ ដោយដឹងថាមនុស្សម្នាក់និយាយកុហក់ និងម្នាក់ទៀតនិយាយត្រង់។ ស្រាប់តែគេលឺសំលេងចេញពីបន្ទប់នោះថា “ខ្ញុំឈ្មោះ ក”។ តើលោក “ក”​ និង លោក “ខ” មួយណានិយាយកុហក់ មួយណានិយាយត្រង់?

២) មានចោរម្នាក់លួចរត់ចេញពីគុគ បានជួបមនុស្សពីរនាក់(“ក” និង “ខ”) ដោយដឹងថា ម្នាក់និយាយកុហក់ ម្នាក់និយាយត្រង់។ នៅទីនោះមានផ្លូវបែកជាពី ដោយផ្លូវមួយរស់ ផ្លូវមួយស្លាប់។ ចោរនោះចង់សូរទៅមនុស្សពីរនាក់នោះរកផ្លូវរស់ ដោយសូរតែមួយសំនួរទៅមនុស្សតែម្នាក់ទេ តើគេត្រូវសូរដូចម្តេច?

៣) លំហាត់នេះឃើញគេលេងក្នុងទូរទស្សន៏ ដាក់លេខអីក៏បានដែរ តែខ្ញុំដាក់លេខ ២០០៩ អោយលេងមើល។

តាមរយះលេខខាងក្រោម ដោយប្រើប្រមាណវិធី + – * / គណនាអោយចេញលេខ ២០០៩ ដោយលេខនិមួយៗប្រើបានតែម្តងទេ។

១, ២, ៣, ៤, ៥, ៦, ៧, ៨

៤) សុំថែមមួយទៀត អានេះអក្សរម្តង។ ដោយប្រើអក្សរខាងក្រោមរៀបអោយចេញជាពាក្យមួយ

A, A, B, C, D, M, I, O

បញ្ជាក់ សំនួរទី ៣ ទី ៤ អាចមានចំលើយច្រើន 😀

លំហាត់ក្មេងថ្នាក់ទី ៣ ទេណា ព្រោះខ្ញុំអត់សូវចេះអីច្រើនទេ 😀